منتديات همس المصريين

منتديات همس المصريين (http://www.hmsmsry.com/vb/index.php)
-   الثورة فى عيون همساوى (http://www.hmsmsry.com/vb/f207)
-   -   ألا يستحق هذا الرجل أن نرفع له القباعة إحتراماً؟ (http://www.hmsmsry.com/vb/t11028/)

مدحت زيدان 04-13-2012 10:32 AM

ألا يستحق هذا الرجل أن نرفع له القباعة إحتراماً؟
 
http://www.youtube.com/watch?v=p4aBKN8Ev-M

على بابا 04-23-2012 03:49 AM

رد: ألا يستحق هذا الرجل أن نرفع له القباعة إحتراماً؟
 
مشكور أستاذ مدحت على الموضوع
و فعلا وجهة نظر المستشار الخضيرى تستحق كل احترام و تقدير
و خصوصا انه بدأ كلامه بالاعتراف أن الثورة مش حققت الا جزء بسيط جدا من اهدافها
و ده فى حد ذاته شهادة حق جزاه الله خير الجزاء عنها

أما عن عمر سليمان و قصه ترشحه لمنصب رئيس الجمهورية و علاقته بالاخوان المسلمين و السلفيين
أظن الاشاعات كتير جدا و الكلام كتير جدا فى الموضوع ده
و مفيش داعى إن اى مواطن مصرى ينسى هدف الثورة و يلتفت للخلافات الشخصية و تصفية الحسابات
و اللى متابع للأحداث أكيد هيكون واثق ان جميع الاطراف سواء عمر سليمان او خيرت الشاطر او حازم صلاح ابو اسماعيل
محدش منهم على الصراط المستقيم للاسف
قضيتهم مش مصلحة الشعب المصرى
قضيتهم هيا تصفيه حساباتهم الشخصية مع بعض

لو فعلا مجلس الشعب قوى و عنده الثقة الكافية ان الشارع واقف فى صفه
مفيش داعى لوجود قانون عزل سياسى من الأصل لان عمر سليمان و مليون زى عمر سليمان مش هياخدوا اصوات الشعب غصب عنه
لكن نظراً لتكرار فشل مجلس الشعب فى حل قاطع لمعاناة المصريين اليومية فى أزمات البوتاجاز و السولار و البنزين ... إلخ
التيارات الاسلامية خايفة من غضب الناس عليها و بالتالى تزيد فرصة فلول النظام فى انتخابات الرئاسة

و السؤال لو مبدأ التشكيك فى كل شئ هو منهجنا بعد الثورة
يبقى نريح نفسنا و نعترف ان مفيش فايدة نهائى و مشكلتنا مش حسنى مبارك و نظامه
المشكلة فينا احنا يا مصريين

خلينا نصدق بعض و لو مرة
خلينا نتناقش بهدوء و نحاول نفهم بعض
خلينا نحاول نلاقى نقطة نتفق عليها كلنا و نبعد عن الخلافات شوية
عايزين روح الثورة ترجع من تانى زى ما كانت فى الميدان
نضحى بكل شئ علشان المصلحة العامة قبل مصالحنا الفردية

أشكرك يا أستاذ مدحت على الفيديو
و فى انتظار المزيد من طرحك الدسم




الساعة الآن 12:40 AM

Powered by vBulletin® Copyright ©2000 - 2020, Jelsoft Enterprises Ltd.
SEO by vBSEO ©2011, Crawlability, Inc. TranZ By Almuhajir
adv helm by : llssll