منتديات همس المصريين

منتديات همس المصريين (http://www.hmsmsry.com/vb/index.php)
-   همس الموضوعات العامة (http://www.hmsmsry.com/vb/f6)
-   -   مواقف في وفاء الكلاب (http://www.hmsmsry.com/vb/t121096/)

حسام السعيد 05-07-2019 05:49 AM

مواقف في وفاء الكلاب
 
تعالو احكي ليكم واعرفكم معني وفاء الكلاب بجد
سنة ١٩٧٥ حصل شيء عجيب في بلد في الصين .. الكلاب اللي عايشه جوا الغابات القريبه من البلد خرجت بعدد كبير، خوف علي الناس الموجوده دخل البلد وهجموا علي البلد، وبدأوا ينبحوا بعلو صوتهم بشكل غريب ومن غير انقطاع ! اصواتهم بتعلي وبيرزعوا في ابواب البيوت ! الناس اترعبت .. الاطفال اتفزعوا .. الستات حضنوا عيالهم وعيطوا .. عدد الكلاب كبير بشكل مُخيف ! قرروا يسيبوا اللي وراهم واللي قدامهم ويهربوا ! خدوا اللي قدروا عليه، و كل واحد ومراته شالوا عيالهم وجريوا عزلوا من البلد بحالها
الناس خرجت بالآلاف وهما بيتلفتوا حواليهم و مرعوبين بعد خرجوهم بأقل من ١٢ ساعه حصل زلزال دمر البيوت .. نسفها .. جاب عاليها واطيها زي ما بيقولوا .. مبقاش في البلد كلها علي بعضها بيت سليم !! اهل البلد وقتها عرفوا ان الكلاب دي اوفي من كل البشر وكانت بتنبح بشكل مُخيف وبعدد كبير لان الكلب هو المخلوق الوحيد اللي بيشعر بالزلازل قبل وقوعها فكانوا بينبهوا اهل البلد عن طريق النبح المُستمر ان في هزه ارضيه هتدمرهم
عرفتم قد ايه ان الكلب اوفي من اي بني آدم وبيخاف عليك من اي شر !!!

من شويه كده كنت انا وصاحبي ماشيين رايحين مشوار منظر الكلب ده شدني اوي وزعلت وحزنت علشانه جدا
مكنتش عارف ايه سبب قعده الكلب بالمنظر ده، جوع، ساقعه، وحده، إفتقاد، بس لما صممت أعرف الكلب ده مالو سألت حد داخل المستشفي اللي هو قاعد قدمها دي
قالي ان كان فيه راجل شغال في المستشفي هنا معانا الكلب ده بتاعو وكان كل ما يجي الشغل ب العجله كان الكلب ده يجي وراه كل يوم الشغل والراجل ده مات من خمس شهور والكلب من ساعة ما الراجل مات مش بيتحرك من هنا وقاعد دايما منتظر صاحبه . 💔😓😢😢


#انت عندي اوفي من ناس كتير اووي كانو ف حياتي وخذلوني فيه يوم من الايام !! 💔

Adel Radwan 07-03-2020 01:06 AM

رد: مواقف في وفاء الكلاب
 
جمييييله تسلم ايدك


الساعة الآن 06:38 AM

Powered by vBulletin® Copyright ©2000 - 2020, Jelsoft Enterprises Ltd.
SEO by vBSEO ©2011, Crawlability, Inc. TranZ By Almuhajir
adv helm by : llssll