منتديات همس المصريين

منتديات همس المصريين (http://www.hmsmsry.com/vb/index.php)
-   همس التنمية البشرية وتطوير الذات (http://www.hmsmsry.com/vb/f249)
-   -   أصول المودة في الحب و الزواج (http://www.hmsmsry.com/vb/t121508/)

بسنت 10-24-2019 09:13 PM

أصول المودة في الحب و الزواج
 
أصول المودة في الحب والزواج

كنت عند واحد صاحبي امبارح في البيت الساعة 12 بليل عشان كان عاوز يقعد معايا نتكلم ف موضوع المهم دخلت الصالة عشان نعدي للمكان اللي هنقعد فيه لقيت ابوه قاعد على طرف السرير وبيكلم حد وظاهرلي ان مفيش حد قدامه .. دققت شوية لقيته بيكلم صورة .. بصيت لصاحبي بقوله ولا ابوك اتهبل قالي تعالى بس هفهمك دخلنا الأوضة لقيته بيقولي أنا أمي اتوفت من 5 سنين .. طول الخمس سنين لازم أبويا كل يوم قبل ما ينام يحط صورة أمي قدامه ويحكيلها على كل حاجة بتحصل .. ويشكيلها .. ويعرفها كل خطوة بياخدها .. ويقولها انها قد إيه وحشته وإنه مش قادر يعيش من غيرها .. يطمنها على أحوالنا وإنه مخلي باله مننا زي ما وصته وأكتر .. والغريب إنه بيقول انه بيسمعها بترد عليه .. وبترشده وبتاخد بايده .. دخلت عليه في مرة لقيته بيعيط ودموعه مغرقة صورتها .. وعمال يقولها متزعليش بقى .. متزعليش .. والله ما قصدت أزعلك .. خدته في حضني وسالته قالي أمك زعلانة مني ومرديش يفهمني .. صاحبي بيقولي هو عارف انها ماتت .. بس قلبه رافض يصدق .. وبيخصص النص ساعة دي ليها قبل ما ينام .. عمره ما نسيها ولا هينساها .. حبها لاقصى درجة .. ورافض فكرة الفراق .. عايش على ذكرى وصورة ..بيحطلها طبق على السفرة وغطاها اللي كانت بتتغطى بيه لسه جنبه .. ودايما بيقول جملة أنا العيد بالنسبالي أما أروحلها .. وآخدها في حضني .. وبيدعي دعوة وحيدة في صلاته .. يارب إجمعني بيها في الجنة انا مش عاوز غيرها ..أبويا بقاله خمس سنين بيعمل كده بحب وبيرتاح بعدها

انت متعرفش امي كانت بتحبه وحنينه عليه وسند ليه اد ايه مش عاوزه يتعب كده بعد فرقها يااحمد يابني احنا جيل لو طلعنا السما بضهرنا مش هنعرف نوصل ليه الوفاء والحب
ده !!

انا سمعت الكلام وتنحت .. أنا فاكر يومها معرفتش أذاكر من الاحساس اللي حسيته

الصدق في الحب يا جماعة عمر الزمن أو الموت ما بيمحيه ولا بيخلينا ننسى .. بالعكس ده بيزوده ويكثفه ويخلي اللي فاضل من العمر مسألة وقت .. تخيل راجل عنده ستين سنة عايش على ذكرى مراته بقاله 5 سنين .. بيكلمها يوميا وهي مش موجودة .. هو بيتعامل مع الروح مش الجسد .. والروح خالدة جوا كل واحد حب بصدق ..الحب اللي من غيره بنبقى عايشين تقضية واجب .. الله يرحمك يا عم جمال حيا كنت أو ميت !!


الساعة الآن 11:57 AM

Powered by vBulletin® Copyright ©2000 - 2020, Jelsoft Enterprises Ltd.
SEO by vBSEO ©2011, Crawlability, Inc. TranZ By Almuhajir
adv helm by : llssll