منتديات همس المصريين

منتديات همس المصريين (http://www.hmsmsry.com/vb/index.php)
-   همس التنمية البشرية وتطوير الذات (http://www.hmsmsry.com/vb/f249)
-   -   الغفور الرحيم هو شديد العقاب (http://www.hmsmsry.com/vb/t121510/)

بسنت 10-24-2019 10:01 PM

الغفور الرحيم هو شديد العقاب
 
الغفور الرحيم هو شديد العقاب

عمري ماهنسي اليوم اللي ست جات فيه لأمي وبتقولها ابني مات من سنه ف خناقه بسبب بنت ومكنش بيصلي وكان بيعمل حاجات غلط كتير في حياته ودايما مخنوق وزهقان من الدنيا .. ابني بقاله ٣ أيام بيجليي ف المنام شكله مريض وبيقولي جمله واحده (عذاب الدنيا اهون من عذاب الآخرة بكتير ياماما ) أمي بكت ومبقتش عارفه تقولها إيه

من أسباب التزامي صاحبي الانتيم كان مسافر يتفسح وعمل حادثه وقعد ف المستشفى فتره قبل ما يموت .. اصحابي اللي كانوا معاه حكولي أنه كان يصرخ ساعات ويبص كأنه شايف حد قدامه بيضربه .. أحد أصحابنا قال والله علامات الخوف والفزع الي ع وشه كل ماافتكرها مبعرفش أنام .. وأبوه إتصل بيا بعد موته بشهور وهو يبكي ويقولي ( ابني كان بيعمل إيه عشان ربنا يعمل فيه كده ) معرفتش أرد وسألته أن كان شاف منام ولا حاجه ... بكي بشده ومردش وقفل السكه وبعدها بأيام مات من قهرته ع إبنه الوحيد

- اتحكالى عن حد عزيز عليا عنده ( ٢٦سنه) مهندس مات من سنه بسكته قلبيه .. الشيخ وهو بيغسله بيقول والله وانا بغسله شميت ريحه جميله مشمتهاش ف حياتي وكان مبتسم وشكله جميل وحسيت كأني بزف عريس لعروسته .. وكان رأسه واحنا بنغسله بتميل للجهه اليمني واحنا بندفنه استقبل القبله لوحده ومال لليمين بردو .. وبعد وفاته ب٣شهور أمه صحيت من النوم مع أذان الفجر وهي بتقول (فزت ورب الكعبه ) وبنتها كانت مرافقاها في المستشفى فسألتها عن حالها قالت(أخوكي في الجنه) ولما حبت تعرف شافت إيه عشان تقول كده قالت ( ده سر بيني وبين ربنا

أَفمن كان مؤمنا كمن كان فاسقا ۚلا يستوون " .. طبعاً لا يستوون

ياجماعه ربنا عدل واللي خاف منه مش زي اللي عصاه .. وزي ماانتم فاكرين انه غفور رحيم متنسويش بردو انه شديد العقاب ...
افيقوا يرحمكم الله


الساعة الآن 12:02 PM

Powered by vBulletin® Copyright ©2000 - 2020, Jelsoft Enterprises Ltd.
SEO by vBSEO ©2011, Crawlability, Inc. TranZ By Almuhajir
adv helm by : llssll