منتديات همس المصريين

منتديات همس المصريين (http://www.hmsmsry.com/vb/index.php)
-   همس التنمية البشرية وتطوير الذات (http://www.hmsmsry.com/vb/f249)
-   -   بلاش تمشي و تنهي اى علاقة بدون سبب (http://www.hmsmsry.com/vb/t121732/)

حسام السعيد 04-18-2020 12:57 AM

بلاش تمشي و تنهي اى علاقة بدون سبب
 
بلاش تمشي و تنهي اى علاقة بدون سبب
أغلب الرجاله ندموا على الأقل مرة واحده انهم عكوا الدنيا وخسروا ست مستحيل تتعوض وبتحبه حب ملوش حدود
بس ولا ست أعرفها ندمت على راجل سابته..أصل الست بتفضل تحب لغاية ما تتأكد ان مفيش فيه أمل وتتقفل قفله لو الدنيا اتهدت ماترجعش !!

دكتور اعرفه عنده اربعين سنه بيعترف وبيحكيلي
بيقولي ... كسرت قلبها من 13 سنة، و في زحمة الشباب نسيتها، و في هدوء الدخول علي منتصف الأربعين بدأت أفتكر أخطائي و أحاول أصلاحها.. بس معرفتش أوصلها، فجأة لقيتها بعتالي بتسلم عليا و بتسألني هي غلطت ف إيه علشان أعمل فيها كده !!

13 سنة بتلوم نفسها و هي أحسن مني، 13 سنة و لسه الحب جواها مامتش .. قعدت تحكيلي و تفكرني هي كانت بتعمل إيه علشاني .. و إنها كان عندها أكتر بكتير بس انا ما اديتهاش فرصة .. هي كانت بتبتسم علشان بتكلمني و انا كنت بدمع من غبائي و من الندم .. هي فعلا قلبها رائع .. قلب و طلعله انسان. بصراحة ندمان اني ضيعتها من أيدي يا احمد وكسرت القلب ده !!

(الخلاصة )
كل شيء ممكن يتنسي .. إلّا إنت سيبتني ليه بدون سبب ... والست دي اللي جواها مش حب، ده جرح و ماخفش لسه و مش هايخف طول ماهي مش لاقية إجابة ..عشان كده هي سألت انت ليه عملت كده. و معتقدتش ان الحب لسه جواها هيا اللي جواها سنين قهر لو كنت ريحتها من زمان ومشيت بسبب واضح مكنتش فضلت متعذبة كده وروحها متعلقة.

الست ممكن توفي ألف سنة لشخص مشي بدون سبب ع أمل أنُه يرجع، لأنها بتبقى مفترضه أنه راجل وهيرجع .. ف أنت من الأول قولها انا عره مش راجل وهمشي وهي هترتاح. أفهم أن كنوز الدنيا مش ممكن تلملم جرح قلب شخص أتأذى بدون ما يعرف أنت أذيته وسيبته ليه .. احيانًا الوقت يكون متأخر جدًا، وأحيانًا في ناس في الحياة يكونوا يستحقوا التمام ويشوفوا اسوأ معاملة، فياريت نبعد نهائيًا عن كسرة قلب اي حد وخذلانة !!


الساعة الآن 03:19 PM

Powered by vBulletin® Copyright ©2000 - 2020, Jelsoft Enterprises Ltd.
SEO by vBSEO ©2011, Crawlability, Inc. TranZ By Almuhajir
adv helm by : llssll