قديم 12-07-2016, 04:29 PM   #1
☻ مشرف عام ثان ☻
 
الصورة الرمزية الملك
 
تاريخ التسجيل: Tue Mar 2012
المشاركات: 40,501
معدل تقييم المستوى: 54
الملك عضو نشيطالملك عضو نشيط

اوسمتي

مميز قصة حقيقية برجاء عدم دخول ذو القلوب الضعيفة

بسم الله الرحمن الرحيم
السلام عليكم ورحمة الله اعضاء ومشرفين

القصة دى بجد حدثت حقيقة وواقعية وتعد من اسود ايام حياتى فعلا وانا فى العمل العسكري منذ سنين طويلة وكنا فى نقط منعزلة يعنى كلنا كدة فى النقطة خمس أفراد ومفيش حد جنبنا غير الصحراء والبحر فقط لا غير ومفيش بنى ادمين غيرنا وكان معايا احد زملائى اسمه الشيخ محمد وكان على علم بالدين جيدا وانا بصراحة كنت بحبه جدا عن بقية افراد النفطة وهو الوحيد اللى كنت بسهر معاه ونقعد فى الخدمة من الساعة الواحد صباحا لحد الصبح وكان الشيخ محمد ده بيصلى دايما بالليل وفى احد الايام وكان الجو زعابيب وهوا وهو بيختم الصلاة جت قطة وقفت على بابا الحجرة اللى انا وهو فيها وكنا محضرين قطع من العجين لخبزها فى فرن البوتجاء عيش يعنى المهم جت القطة دخلت على قطعة العجين وكانت حتاخدها وفى اللحظة دى كان بيختم الصلاة والتفت لها وقالها عيب كدة عيب روحى اقفى على الباب تانى القطة سابت قطعة العجين وفعلا راحت عند الباب وانا قاعد مستغرب وبقول فى نفسي ايه اللى بيحصل ده وبعدين قالها تعالي هنا فعلا جت القطة رواح عطيها حتتة العجين قوالها خدى الاكل ده يا لوزة وروحى سلمى على امك وقوليلها الشيخ محمد بيسلم عليكي وانا طبعا فى زهول بعد مخلص ومشت لوزة دى سألته ايه ده يا شيخ محمد قاللى وهو بيضحك يعم مفيش حاجة متشغلش بالك انت يلا قوم صلي انت قمت صليت وانا فى قمة الرعب تانى يوم جت القطة تانى فى نفس الميعاد والشيخ محمد فى اليوم ده عرف انه نازل اجازة قالها تعالي يا لوزة جت القطة وانا فى زهول تام ومبرق وبتفرج قالها انت عارفة ده اسمه عادل وصحبى وانا بحبه جدا اوعى تجيله ابدا ولو عرفت انك جتيله هعرفك شغلك سمعتى وكأن القطة فهمت الكلام بصتلي وبصتله وهزت دماغها وقالها يلا مش واوعى تنسي اللى قولتلك عليه بعد ما مشت القطة قولتله ايه ده يا شيخ محمد انا عاوز مبرر للى بيحصل دلوقتى حالا اتعصب الشيخ محمد وقال لى ملكش دعوى بلى بيحصل ومتقولش لحد ومتشغلش بالك ومتخفش ومش الشيخ محمد وانا بقيت اقعد لوحدى من الساعة واحدة للساعة اربعة بالليل وببقى ميت من الرعب لتيجى القطة ولكن الغريب انها فعلا مبقتش تيجى بس كانت الابواب والشبابيك بتترزع وتتخبط فى بعضها و أنا ماسك السلاح بايدى والمصحف بايدى التانية مرت الايام والشيخ محمد رجع وفى اول يوم رجوعه بالليل رجعت القطة ندخل !!! نخش على اهم شئ بالقصة فى يوم من الايام قالولنا فيه تفتيش وكان عندنا لمبة جاز بتنورلنا فى النقطة قلولى خد اللمبة يا عادل وخبيها فى الجبل فعلا خدت اللمبة ورحت مخبيها جوة حفرة بعيد عن النقطة وجه التفتيش مشى وجت المغربية افتكرت اللمبة قولت اجبها قبل الليل ميدخل علينا .............
المهم رحت جبت اللمبة من الحفرة وغسلتها كويس ورحت علقتها فى حدية كدة باعلى المبيت بيقولو عليها جنش ونمت على السرير بتاعي وانا كنت لوحدى فى المبيت والباقى قاعدين فى المطبخ بعيد حوالى عشرة متر لقيت اللمبة بتتحرك لوحدها وتتهز وتطلع فوق وتنزل تانى قولت ايه ده تهيئات ولا ايه المهم قمت بالراحة وندهت الشيخ محمد وقلتله تعالي شوف كدة اول لما وصل للمبيت فضل يقول اعوذ بالله من الشيطان الرجيم وقال لى طلع المصحف بتاعك وامسكه واقعد على سريرك المهم قولتله فيه ايه رعبتنى قال لى اسمع الكلام بعنف كدة المهم مسك مصحفه وفتحه ووجهه للمبة قامت اللمبة وقفت وقلى خلاص قولتله خلاص ايه وايه ده قلى قوتلك خلاص انا رحت قايم ورحت المطبخ وقولت لزملائى اللى حصل كلهم قعدو يضحكوا ويقوللى انت شارب ميه ساقعة ولا ايه بتريقة وفجأة سمعنا صوت الشيخ محمد بيصرخ كلنا طلعنا نجري على المبيت لقيناه فوق سريره وبيقول سبنى يا وفضل يشتم سبنى الحقونى ابن الك ..... بكتفنى قربنا منه لقينا عليه حاجة كدة زى العنكبوت ورجله متشنكلة قام واحد معانا من النقطه قال لى يلا نفك رجله حنسيبه كدة وفعلا مسكنا رجله رابع افراد عشان نفكها فين وفين لما انفكت من بعض وبعدها هدى وطبعا الزملاء كدة صدقونى وكلنا كنا فى رعب شديد وكله بيبص لبعض بعدها قام الشيخ محمد وقال انا هصلي وبدأ بالصلاة ويقول الله اكبر بس لا بيسجد ولا بيركع واحنا واقفين فى زهول شديد بعده وقعد يضرب الحيطة بايده ويقول سبنى يا ابن الك ..... سبنى سبنى سبنى واحنا كلنا مرعوبين لدرجة ان فيه ناس هربت برة المبيت المهم قعدنا للصبح على ادا الحال وفى الصبح سألناه فيه ايه يا شيخ محمد قالنا محدش ليه دعوة ومحدش يسأل ......

فى نفس اليوم بالليل نده عليه الشيح محمد ونده على زميلى ودونن عن افراد النقطة كلها وطبعا كلهم قاعدين فى المطبخ وخايفين يهوبو ناحية المبيت وقلنا تعالو ا أقعدو كل واحد على سريره قولته لا انا حقعد فى المطبخ وكان صوته محشرج وشكله اعوذ بالله قاللى متخفش يا عادل ومتخافوش يا زملائى انا بحبكم ومش حأذيكم قمت قعدت على سريري قام نده عليه قلى يا عادل تعاله اقعد هنا جنبى على السرير قولتله لا انا مرتاح كدة على سريرى قلى تعالي ومتخفش انا بحبك ومش حأذيك رحت رايح بحذر قولتله انت مش الشيخ محمد قلى لا قمت قولتله طيب انت مين قلى انا احمد ومتخفش احنا مش بنأذى قولتله احمد مين رد عليه وقلى مش مهم وطبعا كان زميلى قاعد على سريره ومبرق عنيه ومش مصدق وطبعا كان الصوت اللى بيكلمنى غير صوت الشيخ محمد قولتله طيب الشيخ محمد فين رد عليه وقلى هيرجع ان شاء الله يوم الجمعة بعد صلاة الفجر طيب انا بس عاوز اعرف عملك ايه الشيخ محمد وهو فين دلوقتى وكبعا بجرأة والله انا بسأل نفسي لحد الان انا اتكلمت كدة ازاى رد عليه احمد وقللى هو اللى بدأ معايا وكان عاوز يكتفنى فى اللمبة هو اللى بدأ وانا كنت بهزر معاك بس مش اكتر ومكنتش عاوز ازية ولا اى شئ غير الهزار المهم قلى روح لسريرك ومتنمش اوعى تنام وسريره كان على بعد حوالي تلاتة متر وكان سريره فوق وان سرير حت سرير حمدى فى اول المبيت المهم قعدت فى سريرى وكل ميكبس عليه النوم انا او زميلى يتكلم ويقول قولت محدش ينام وفجأة انا حسيت انى فى عالم تانى حاسس انى متجمد ومبرق العينين وفى لحظة انتفضت لقيت زميلى بقوللى خد المصحف ده ونام يا عادل يلا بسرعة ولقيته مبرق العينين بصيت على الشيخ محمد لقيته قاعد على سريره ومش بيتحرك حمدى قاللى نام انت قولتلك بس مين اللى ينام قعدت بردو صاحى للصبح وفى الصبح قولت لحمدى ايه اللى حصل قللى فجأة واحنا قاعدين سوا لقيت باب المبيت بيتفتح وشفت راجل دقنه بيضاء وطويلة ولابس ابيض ووشه ابيض جدا وبيقوللى السلام عليكم بصيت عليك وانا حتى مش عارف اصرخ واللى انادى لقيتك متجمد وعنيك متحجرة مسكت المصحق وفتحته لقيتنى فى سورة البقرة وفى ايه الكرسي قريت الاية او مخلصتها لقيتك انتفضت وبتقوللى فيه ايه عطيتك المصحف وانا قعدت فى زهول واقول نسي حلم ده ولا حقيقة وانا بجد مش مصدق وبصيت على الشيخ محمد لقيته هو كمان متجمد مكانه بس مش عارف اعمل اى حاجة او حتى اصرخ او حت اقوم من السرير .............
وفى نفس اليوك جت اشارة من الكتيبة وكان يوم اربعاء على ما تذكر بان الشيخ محمد عنده فرقة بالكتيبة وسعتها الشيخ محمد لم هدومه واستعد للتوجه للكتيبة وندهنى وقللى خد يا عادل انت ائمن واحد فى النقطة كلها وعشاك كدة حأتمنك على امانة وعطانى ورقة قلى يوم الجمعة بعد الصبح ارميها فى البحر بس حاسب كل شياطين الدنيا حتزن على ودانك حتقولك افتح الورقة اللى شايفه كله اوهام اوعى تفتحها ابدا ولا حتتأذى اذى شديد محدش حيعرف يخلصك منه ومشى الشيخ محمد وحطيت الورقة فى الدولاب وفعلا كأن حد بيكلمنى ويقللى جنب ودانى افتح الورقة اللى انت شايفه ده وهم وفعلا اتوجه للدولاب لفتح الورقة ولكن افتكر كلام الشيخ محمد ارجع تاني
وجه يوم الجمه قالولنا ان فيه تفتيش وجه التفتيش فعلا ومش العصر وافتكرت الورقة رحت انا وزميلى على البحر ورمينا الورقة فعلا والامر الغريب ان الورقة او ما لمست الميه كأن رميت حجر كبير غطست وكأنها طلقة اطلقت على المياه ورجعنا النقطة وفعلا كانت الاحوال هادئة جدا فى النقطة ومبقاش فيه اى حاجة مرعبة يوم السبت جت اشارة على جهاذ الاسلكي انى انا اجازة فنزلت الكتيبة لقيت الشيخ محمد مستنينى على البوابة وقلى انا مش قولتلك ارميها الصبح بدري اللى اللى خلاك ترميها العصر قولتله الموضوع فقال لى الحمد لله انا بقيت كويس وايدى كانت وارمة لحد العصر فعرفت انك رميتها فى الوقت ده وبعد كدة سألته قولتله ايه بقى الموضوع ده حرام عليك قوللى ايه اساس الموضوع ده بصلى وسبنى ومش وقلى خليك فى حالك بلاش تعرف احسن نزلت اجازة وجيت من اجازة رحت النقطة لقيت السيخ محمد هناك وخلص الفرقة وحصلت مشكلة مع العرب فى نفس اليوم عشان كانو عاوزين يشفطو بير الميه اللى عايشين عليه وادخلت فيها التحريات العسكرية وتوعدونى بالعقاب لانى اتصديت لهم وكانت النتيجة انى اتنقلت والحمد لله من النقطة دى حقيقى موضوع غريب ولحد النهاردة مش لقيله اى اجابة ايه اللى كان بيحصل ؟؟ مين لوزة دى (القطة) ؟؟ ايه اللى حصل للشيخ محمد ده ؟؟ مين احمد وكلمنى انا بالذات ليه وبيحبنى ليه ؟؟ حكاية الورقة ايه ؟؟ والحمد لله خلصت على خير واحمد ربنا انى لسه بعقلي

تحياتى لكم


المواضيع المتشابهه:


rwm prdrdm fv[hx u]l ]o,g `, hgrg,f hgqudtm

__________________

التعديل الأخير تم بواسطة الملك ; 12-07-2016 الساعة 06:19 PM
الملك غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO ©2011, Crawlability, Inc. TranZ By Almuhajir
adv helm by : llssll
الساعة الآن 05:45 AM


اخر المواضيع

لودر فابو 2 طن @ لودر فابو الـ 2 طـن @ هل يحصد محمد صلاح الكرة الذهبية وأفضل لاعب في العالم؟ @ أساسيات التسليح في المنشآت الخرسانية @ حفار فابو إكس 9 @ دورة التقنيات الحديثة في الفهرسة والأرشفة الإلكترونية للوثائق والملفات @ أساسيات التسليح في المنشآت الخرسانية @ شركة تنظيف كنب في ابوظبي افضل شركات تنظيف مفروشات بالبخار @ شركة تشطيب شقق/شركة تشطيب فيلل/شركة ديكور2019 @ موقع مدينة السيارات. كوم @ موقع مدينة السيارات. كوم @ دورة التميز في ادارة المخازن واستراتيجيات تكنولوجيا تحسين قوائم الجرد @ دورة متقدمة في نظام تحليل المخاطر " الهاسب" @ حصرياً لعملاء موبايلي محاضرات ثقافية من خلال خدمة المدرسة الذكية @ المحامية رباب المعبي تتسلم شهادة شكر وتقدير من مركز مبادرات مؤسسة محمد بن سلمان @ مركز صيانة هاير صيانة فورية 01015032000 @ مركز صيانة ميكروويف صيانة فورية 01015032000 @ مركز صيانة كيرا صيانة فورية 01015032000 @ مركز صيانة فيوسونيك صيانة فورية 01015032000 @ مركز صيانة بينك صيانة فورية 01015032000 @ مركز صيانة سونى صيانة فورية 01015032000 @ مركز صيانة بلازما صيانة فورية 01015032000 @ مركز صيانة بروجيكتور صيانة فورية 01015032000 @ مركز صيانة lcd dlp LED صيانة فورية 01015032000 @ مركز صيانة سامسونج صيانة فورية 01015032000 @ مركز صيانة دايو صيانة فورية 01015032000 @ مركز صيانة بلوتو صيانة فورية 01015032000 @ مركز صيانة ال جى lg صيانة فورية 01015032000 @ مركز صيانة داتا شو صيانة فورية 01015032000 @ دورة الطرق والأساليب الحديثة لإعداد خطط التسويق والبيع @