العودة   منتديات همس المصريين > همــــــــس العــــــــــام > همس الموضوعات العامة

همس الموضوعات العامة مواضيع عامة , منتدى عام , القسم العام , المواضيع العامة , المواضيع التى ليس لها قسم محدد , القسم العام , المواضيع العامه

إضافة رد
 
LinkBack أدوات الموضوع انواع عرض الموضوع
قديم 09-26-2018, 11:31 AM   #1
فى انتظار التفعيل
 
تاريخ التسجيل: Tue Sep 2018
المشاركات: 2
معدل تقييم المستوى: 0
نهر الخير is on a distinguished road
افتراضي الصحاب افعال مش كلام واللي مايشيلكش في شدتك مش صاحبك

الصحاب افعال مش كلام واللي مايشيلكش في شدتك مش صاحبك

مؤمن زكريا مصاب بمرض نادر في الأعصاب، أثر على مستقبله الكروي وحتى طريقة النطق لديه، ويقول بأن سبب المرض نفسي بالدرجة الأولى صدمة كانت قوية و قادرة تهده وتأثر عليه نفسيا وعصبيا و حصله تقل في الكلام و اهله مستحملوش يشوفو ابنهم كدة امه عملت عملية ف القلب من قهرتها عليه وابوه تعب ، اي حد كان يشوفوه وهو بيتكلم هيدمع ، مفيش كره ولا شماته في المرض !💔

مؤمن زكريا امبارح قال ان شيكابالا اكتر لعيب بيكلمه يتطمن عليه هو وعماد متعب والسولية
شيكابالا كان بيعمل كده من غير ماحد يعرف انه بيعمل كده ومن غير ما الناس تعرف ان مؤمن زكريا مريض اصلاً
شيكابالا كان بيعمل كده وهو نفسه بيمر بأيام صعبة ومحتاج اللي اللي يقف جنبه و يتطمن عليه
وقت مرض مؤمن شيكا كان قاعد في البيت وفضل في البيت سنة بعد مارجع من اليونان ومستقبله كان ربنا اللي يعلم بيه يعني اخر واحد ممكن يتعتب عليه لو قصر في حق حد
لعيبة الاهلي انهارده كلهم بيدعموا مؤمن زكريا بعد مابقي تريند وكل الناس بتتكلم عنه ومتعاطفة معاه وحسو ان بقا شكلهم زفت !!
ربنا يشفي مؤمن ويبارك لشيكابالا في قلبه النضيف وفطرته الجميلة
شيكابالا اللي كل يوم بيثبت لكل جمهور الاهلي ان هو انسان نضيف وابن أصول بجد في كلام بيجي بالصدفه من غير ترتيب لكن بيوضحلك معادن الناس ..بعيد عن الكرة شيكابالا كأنسان من انضف واطيب الناس في
تاريخ الرياضة المصرية !❤

#الخلاصه
هما الصحاب عارفين يعني إيه صحاب ! يعني عارفين ربّنا خلّانا ف الدُنيا دي ف علاقات مع بعض ليه ! وعارفين فايدة إننا صحاب ايه ! طب احنا اساسًا ليه صحاب !!

وانا ماشي ف الشارع صدفه كدا سمعت واحد بيحكي لواحد قاعد جنبه ، بيقوله انا ممكن أهوّن علي اي حد واقنعه ان اي مشكله بتعدي وانا فعلاً مقتنع ان اي مشكله بتعدي ، لكن ساعة اما تحصل معايا مشكله مابعرفش اقنع نفسي بده !

فاسألت نفسي أمال ربنا خلقنا جنب بعض وخلّي كل واحد لُه احبابه واصحابه ليه !!

والله ياجماعه كلمة صاحب دي مش هيّنه وقيمتها كبيره جدًا ، احنا مش صحاب عشان نعيش روتين الدنيا اللي بيتكرر كل يوم ، احنا مش صحاب عشان اتخلقنا لاقينا كل اتنين عارفين بعض يبقوا صحاب ! الصحاب اسمهم صحاب عشان يبقوا صحاب وقت الشده قبل الفرح واللعب والهزار ، انا صاحبك عشان اكون جنبك ف ضيقتك واشيلك ، انا صاحبك عشان لما الدنيا تقفل ف وشك تلاقي حد تحكيله ، انا صاحبك عشان ابقي معاك ع الحلوه والمره ، انا صاحبك عشان نعمل بالمعني الحرفي لكلمه صُحاب ونكون قدّها ، انا صاحبك عشان أفديك برقبتي ، انا صاحبك عشان اقف ف ضهرك طول العُمر من غير ماستنّي مقابل لده ، انا صاحبك عشان بحبك وماعرفش اعيش من غيرك ، انا صاحبك واخوك وحبيبك بحق كُل ذكري حلوه بينا وبحق العِشره والعيش والملح ..

احنا صحاب عشان نشيل بعض ونهوِّن علي بعضنا مشاكل وهموم الدُنيا ، الصحاب افعال مش كلام واللي مايشيلكش ف شدتك مش صاحبك ، واللي تهون عليه العِشره والايام الحلوه مش صاحبك ولا عُمره حبك.. !!

ربنا يشفيك ويعافيك ان شاء الله ترجع احسن وأقوي من الأول كلنا معاك وفي ضهرك يامؤمن صبر جميل واستعين بالصبر والصلاة يا حبيبي ❤

#الصحاب افعال مش كلام "✋

المواضيع المتشابهه:


hgwphf htuhg la ;ghl ,hggd lhdadg;a td a]j; whpf; la whpf; hgsphf htuhg wpj;


التعديل الأخير تم بواسطة د/ إلهام ; 09-23-2019 الساعة 09:38 PM
نهر الخير غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
مايشيلكش, مش صاحبك, السحاب, افعال, صحتك, واللى, كلام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


Powered by vBulletin® Copyright ©2000 - 2020, Jelsoft Enterprises Ltd.
SEO by vBSEO ©2011, Crawlability, Inc. TranZ By Almuhajir
adv helm by : llssll
الساعة الآن 08:58 AM