قديم 11-10-2012, 03:19 PM   #1
☻ مشرف عام ثان ☻
 
الصورة الرمزية الملك
 
تاريخ التسجيل: Tue Mar 2012
المشاركات: 40,501
معدل تقييم المستوى: 57
الملك عضو نشيطالملك عضو نشيط

اوسمتي

افتراضي أحمد فؤاد نجم

لا اخترناه
و لا بايعناه
نجح إزاى
سبحان الله
!!!!

أظن أفصح من كدة نصيحة

يبقى عيب


بحبك يا ريس

وحبك يا ريس

معكنن عليــــه

مقطعلى قلبى

مطلع عنيـــه

سيبونى فى حالى

وبيا اللى بيـــــه

دا كل اللى ليـــــه

محرم عليــــه

عشان حاجة واحدة

عشــــــانك يا ريس

بحبــــــــــك يا ريس

دى كلمة قالوها زمان

من ســـــــــنين

وكل اللى قالها

مطـيـن بطـيـن

يا سارق فلوسنا

يا كاتم نفوسنا

يا واكل عرقنا

برجلك دايسنا

ولســـــه بحبك

واحب اللى حبك

وباحلف هاحبك

واحب اللى جابك

فى يوم اغبر علينا ريس

مبارك يا ريس

عليــــك البــــلد

لابنـــك وابنــــه

وولد الولد

سوزانك سوزانا

جمالك جمالنا

علاءك علاءنا

وبكرة وبعده

وطول الأمد

غبــــاءك يا ريس

ملوش حل خالص

وسايق ف الهبل

وكلامك هجايص

ولولاك يا ريس

ما كانشى دا حالى

وحال كل مصري

مدروخ ولايـص

قالوا العيشة حرة

وهي العيشة مرة

ومش مـــر عادي

دا صبرك يا ريس

ممرر بلادى

واسعار بترفع

ماتنزلش مرة

وباين علينا

هنطلع لبرة

رغيفك يا ريس

بيصغر ما يكبر

وسعره يا ريس

بيرفع ماينزل

سألنا دا ماله

قالولنا الحديد

وايه العلاقة

بسعره الجديد

تكونش يا ريس

لغيت الدقيق

وبتطحن بداله

برادة حديد؟

مهو انت اللى عارف

وسامع وشايف

جمالك قشــطنا

وعز اللى خاننا

وولـــع بلدنا

برفع الحديد

ماتصحى ياريس

وصحى البلد

هنبقى يا ريس

كمالة عدد

ف وسط العوالم

وشعبى اللى هايم

وكبته اللى دايم

وقرشه اللى عايم

هنبقى يا ريس

كمالة عدد

واقولك واعيدلك

لانى بحبك

نصيحة فصيحة

نصيحة مريحة

لبلدى وبلدك

ماترحل يا ريس

ليه دايما متيس

ودايما مهيس

مترحل بقى

وخد لي ف وشك

جمالك ..

مش باغشك

علائك .. سوزانك

شريفك .. سرورك

نظيفك .. كمالك

وعزك .. دا خانك

خدهم وانصرفوا

أشـــتاتا أشتوت

خدهم وانصرفوا

لحسن هانموت

ارحل بقى

ارحل بقى

مترحل بقى



.


المواضيع المتشابهه:


Hpl] tch] k[l lpl] tch]

__________________
الملك غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
محمد, فؤاد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


Powered by vBulletin® Copyright ©2000 - 2021, Jelsoft Enterprises Ltd.
SEO by vBSEO ©2011, Crawlability, Inc. TranZ By Almuhajir
adv helm by : llssll
الساعة الآن 02:20 AM