العودة   منتديات همس المصريين > همــــــــس العــــــــــام > همس التنمية البشرية وتطوير الذات > همس الفضفضة النفسية

همس الفضفضة النفسية يختص بكل مشاعرنا ومشاكلنا نفسية كانت أم عاطفية

Like Tree1Likes
  • 1 Post By الملك

إضافة رد
 
LinkBack أدوات الموضوع انواع عرض الموضوع
قديم 01-17-2013, 09:27 PM   #1
☻ مشرف عام ثان ☻
 
الصورة الرمزية الملك
 
تاريخ التسجيل: Tue Mar 2012
المشاركات: 40,501
معدل تقييم المستوى: 55
الملك عضو نشيطالملك عضو نشيط

اوسمتي

افتراضي المصريون يتمنون عيش حرية موتة طبيعية

المصريون يتمنون "عيش حرية موتة طبيعية" .. وحجازي يستنكر "الألش"

الخميس 2013/1/17


المصريون يتمنون حرية موتة طبيعية
المصريون يتمنون حرية موتة طبيعية
المصريون يتمنون حرية موتة طبيعية






محيط - متابعات

رغم الكوارث التي يواجها الشعب المصري هذه الأيام من انهيار للعقارات وحوادث القطارات ، إلا ان هذا الشعب لا زال يتمتع بطبيعته الفكاهية وخفة الظل ، رغم كل تلك الحوادث الكثيرة التي شهدناها على مدار الأيام الماضية والتي أدت إلى وقع عشرات القتلى والكثير من المصابين .

فقد قام الكثيرون بالتعليق على طريقتهم الساخرة من خلال مواقع التواصل الاجتماعي مطبقين مثل "هم يبكي وهم يضحك" نحاول من خلال السطور التالية إبراز عدد من تلك التعليقات :

- "لا تركب القطار..القطار فيه سم قاتل..اسقط النظام..النظام فيه سم قاتل"، وأخرى للدكتور محمد نبيه: "وليكن الهتاف يوم ٢٥ يناير ..عيش ..حرية .. موتة طبيعية".
- لو استمرينا على نفس المستوى من النهضة آخر جمعة في الاربع سنين مرسي هيصليه لوحده
- "والله أنا خايفة أحسن حد من أهل مرسي وعشيرته يطلع يقول لنا أن الكوارث اللي بتحصل ف مصر دي سببها أن مرسي مؤمن والمؤمن مصاب"، كريم فريد: "سعر الروح وصل 20 الف مين يزود ؟"، محمد حلاوة: "سكك حديــــد مصــــر....طريقك للجنة".

كما جاءت التعليقات على موقع تويتر عبر "هاش تاج" حمل اسم "اللي لسة عايشين يعملوا فولو لبعض": "أنا كمصري بقى كل حلمي أني أموت موتة ربنا"، و"عاجل: لم يتم الإبلاغ عن أي حادث لمدة 5 دقائق كاملة"، "لو سألتك أنت مصرى تقول لى إيه؟ تقـول لى مصرى ابن مصرى ألـف رحمة ونور عليه".

- "على الأربع سنين ما يخلصوا جورنال الأهرام هيبقى غلاف و19 صفحة وفيات"، "انتقال الحالة في مصر من حالة الاعتصامات إلي حالة الوفيات"، "سنة كمان كدة ومش بعيد نلاقى الخبر ده فى ناشيونال جيوجرافيك: العثور على معمر مصرى بلغ من العمر 29 عامًا"، " أنا حاسة ان المفروض نلغي النشيد الوطني نحط مكانه قل أعوذ برب الفلق ... البلد محسودة يا جدعان.. بس السؤال علي ايه بقي".

وتابعت التعليقات : "اللى لسه عايش منكم يدوس لايك يا جماعة"،" من كتر الحوادث فى عصر مرسى الواحد خايف يخش ينام يتقلب بالسرير على الصحراوي"، "الشعب المصرى يدعو لمليونية يوم الجمعة القادمة بعنوان عايزين نموت موتة ربنا..عيش ..حرية ..موتة طبيعية"، " يا جدعان حد يلحقنا، الشعب المصري قرب ينقرض، البلد لو فضلت كدة لغاية يوم 25 مش هنلاقى شعب".

- " انتوا فاكرين إن أنا خايف مرسي يكمل الأربع سنين؟ نو ابسلوتلى ..أنا خايف إن احنا اللى منكملش"، "بقالنا ساعتين ونص من غير ولا كارثة أهو ..إيجابيات دى ولا مش إيجابيات يا متعلمين يا بتوع المدارس"، "كده مش فاضل غير إن طيارة تقع ويبقي عملنا كل حوادث المواصلات في أسبوع واحد..ربنا يستر بقي"، "النهاردة الإقبال على الموت تاريخى.. مكنش عاجبكم ٢٠١٢ يالا الله يمسيها بالخير".

النحس سيد الموقف

- بيقولك سيبوا نحس دي للناس اللي مش متعلمين...لا يا حاج كنت قول كدة قبل مرسي...النحس مع مرسي بقى حقيقة علمية ويتعمل فيه دكتوراه

- بقي ياربي كانوا ١٣ مرشح ما نلبسش غير في شراره ده .. مافيش غير اننا نعمله عروسه و نشكشكه
- ٥ قطارات ٢ اتوبيس مدارس ١ مركب صيد ١ عمارة ١٦ عسكرى على الحدود غير الي مانعرفش عددهم امتى تحس انك نحس عاوز زلزال طيب بركان
- خلاص خلاص لقيتها : احنا نجيب عرعور ديك شركسى ورجل نملة أرملة و ريش حمامة عذرا وشراب أم أيمن على خصلة من شعر دقن الشاطر وهايروح النحس
- ده مش رئيس . ده عزرائيل متنكر فى انسان
- عارفين ليه مرسي نحس ؟!! .. عشان كان المرشح رقم 13 في القايمة :p !
- رئيس بلحيه ويصلى فى المسجد ويعتمر ويحج بيت الله وابيض شفاف وشبه سيدنا يوسف وفوق كل ده حانووووتى .. ألا تكبرووووون
- مرسي: أنا مش نحس .. الشعب هو اللي نحس .. وسوف نقضي عل النحس بالبلاد ..
- هيلاري كلينتون ماجرالهاش لما عرفت ان جوزها خانها ... جاتلها جلطه لما مرسي بقي رئيس .. الاتكبرون
-على فكرة ياريت محدش يقول مرسي نحس ابسليوتلي مصر هي اللي محسودة من دول العالم علشان معندهاش واحد زي مرسى
- مرسي لازم يمشي علشان باقي الشعب يعيش ..نحس
- ما هو يا 2013 فيها مشكلة .. يا أنا بحلم بقالي 6 شهور بكابوس ولسة مصحيتش..يا الاخطبوط اختار مصر السنة دي .. بس في الأغلب دة وش مرسي اللي نحس

حلول

واستخدم النشطاء "هاشتاج" بعنوان "اقترح حلا لمشكلة السكة الحديد"، شارك فيه العشرات بتغريدات تحمل اقتراحاتهم، يقول إحداها: "المزلقانات والقطارات تشتغل بالكهربا ويتعمل النظام المتبع برة ان لو حد وقع على القضيب تفصل أوتوماتيكيا".

ويقول أحمد شريف: "أي حل فيه وقف للخدمة أو تقليلها مع احترامي ده هري وأي كلام, الحل في صيانة ورقابة لغاية مايبقي في بديل"، ويقول احمد أشرف:" الدولة تخصص لها فلوس مش أكتر ومش أقل، كل حاجة موجودة ما عدا الفلوس"، ويضيف أشرف بصيلة:"قضينا عمرنا لا نعلم اين تذهب ايرادات قناة السويس...يتم توجيه الايرادات بشكل مباشر للتطوير".

ويتابع شريف عاطف:" انشاء هيئة كاملة لوضع خطة فعلية وبدء التنفيذ في إصلاح خطوط السكك الحديدة وتحويلها من داخل القري والمدن"، وقترح محمد مجدى سليم التالى:" أن يكون المزلقان اوتوماتيك او يلغي نهائيا ويتم الاستعاضة عنه بانفاق تمر تحت القطار"، بينما اقترح شادى شريف الاستعانه بطلبه الهندسة لصيانة القطارات، يقول: "الاستعانة بطلبة هندسة لعمل حملة صيانة تطوعية كنشاط طلابي, طبعا مع عمال الصيانة الي موجودين، بكده نضمن الجودة"، ويقول محمد الشامى: "لو مفيش تمويل ولا ميزانية اطرح المشروع للتطوير بنظام حق الانتفاع لفترة زمنية".

ويقترح محمد شاذلى: "أنه يتم تصفية القطارات المهلكة + عمل كل 6 ساعات اتجاه واحد بس ..والـ 6 ساعات التانية الاتجاه التاني، وعمل امتحانات للسواقين"، ويضيف اسامة: "إحالة القطارات البالية للتقاعد وصيانة الشبكة قدر الامكان، ابتكار طرق علمية لحل مشكلة المزلاقانات و حفر أنفاق تحت السكك الحديد لمرور السيارات والناس، وتغريم المارة فوق شريط القطار بغرامات مالية ووضع لوحات إرشادية مناسبة لجميع الاعمار والمستويات العلمية".

واقترح أحد النشطاء على "تويتر" بنقل خطوط السكة الحديد، يقول: "نخلى خطوط السكة الحديد فى الصحراء الغربية .. مش على النيل ... منها نزود عمار الصحرا .. ومنها تقل الحوادث".

ويقول : "نضع حساسات مسافة في القطارات تفعل الفرامل اوتوماتيكيا عند وجود عائق ع مسافة 600 متر علي الاقل، واستخدام اكاسيد الفضة لمنع الشبورة عند المزلقانات والربط الالكتروني وليس الميكانيكي بين المزلقانات والقطارات"، بينما يري عمرو محمد البدء بالمزلقانات، قائلا: "بدأ بالمزلقانات لأنها اتسببت فى حوادث كتير وبعدين تطوير كل العربات المتهالكه دة مهم جدا بس محتاج وقت"، فى حين اتفقت عدة اقتراحات على استيراد تجربة اليابان فى السكك الحديد وتقليدها.

مصيبة "الألش"

يأتي ذلك في الوقت الذي استخدم فيه الدكتور صفوت حجازي الداعية الديني الـ "تويتر" بسكل مختلف ، من خلال استنكاره لاسلوب الشعب المصري في مواجهة المصائب بالسخرية والـ "ألش" ووصف ذلك بالمصيبة لأن ذلك يجعلى الشعب لا يشعر بمدى فداحة المصائب التي تقابله .

وقال حجازي على حسابه على تويتر :"احنا شعب اتعود يواجه كل المصايب اللي بتحصله بالألش ودي أكبر مصيبة لازم الناس تحس ان فيه مصيبة فعلا".

المواضيع المتشابهه:


hglwvd,k djlk,k uda pvdm l,jm 'fdudm lcjm hglwvd,k djlk,k pv[m 'fdudm

__________________
الملك غير متواجد حالياً   رد مع اقتباس
قديم 06-02-2013, 02:24 AM   #2
الموقوفين
 
تاريخ التسجيل: Tue Mar 2013
الدولة: Alex
المشاركات: 1,428
معدل تقييم المستوى: 0
بتول الشرق will become famous soon enough
افتراضي رد: المصريون يتمنون عيش حرية موتة طبيعية

بلادى يـآآآآاجمل تورته
كل واحد عاوز يآآخد منك حته ويجرى


تسلم يابوشنب
دُمت بكل خير
أرق تح ــــياتى










بتول الشرق غير متواجد حالياً   رد مع اقتباس
قديم 06-02-2013, 03:18 AM   #3
|| المدير الأول لهمس ||
 
الصورة الرمزية محمدعبد العال
 
تاريخ التسجيل: Thu Dec 2011
المشاركات: 43,746
معدل تقييم المستوى: 62
محمدعبد العال has a reputation beyond reputeمحمدعبد العال has a reputation beyond reputeمحمدعبد العال has a reputation beyond reputeمحمدعبد العال has a reputation beyond reputeمحمدعبد العال has a reputation beyond reputeمحمدعبد العال has a reputation beyond reputeمحمدعبد العال has a reputation beyond reputeمحمدعبد العال has a reputation beyond reputeمحمدعبد العال has a reputation beyond reputeمحمدعبد العال has a reputation beyond reputeمحمدعبد العال has a reputation beyond repute

اوسمتي

افتراضي رد: المصريون يتمنون عيش حرية موتة طبيعية

أحلام و اقتراحات جميلة
ربنا يحمي مصر
شكرا لك أخي أبو شنب

__________________
محمدعبد العال غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
مؤتة, المصريون, يتمنون, حرجة, طبيعية


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO ©2011, Crawlability, Inc. TranZ By Almuhajir
adv helm by : llssll
الساعة الآن 08:16 PM