العودة   منتديات همس المصريين > همــــــــس العــــــــــام > همس الموضوعات العامة

همس الموضوعات العامة مواضيع عامة , منتدى عام , القسم العام , المواضيع العامة , المواضيع التى ليس لها قسم محدد , القسم العام , المواضيع العامه

Like Tree1Likes
  • 1 Post By خال العرب

إضافة رد
 
LinkBack أدوات الموضوع انواع عرض الموضوع
قديم 01-22-2014, 11:02 PM   #1
 
الصورة الرمزية خال العرب
 
تاريخ التسجيل: Thu Sep 2013
المشاركات: 774
معدل تقييم المستوى: 13
خال العرب will become famous soon enoughخال العرب will become famous soon enough

اوسمتي

افتراضي ممكن أسأل سؤال

ليه يا شباب ويا بنات !!
ليه لما نقعد مع بعض فى مكان ونتكلم فى اعراض الناس بقت عااادى مع انه مش عاادى !!

ليه لما امشى فى الشارع والاقى شاب ولا بنت راكبين عربية ومشغلين الكاسيت على الاخر وعمالين يسقفوا ويهيصوا يبقى عااادى مع انه مش عااادى !!

ليه لما اكون فى الجامعة والاقى البنات عاملين فى نفسهم البدع اللى حاطة كيلو بودرة على وشها واللى مغيره خلقتها واللى لابسة ضيق هيفرقع ولا حتى لا بسه حجاب على الموضة وابص .... يبقى عاادى مع انه مش عااادى !!

ليه لما اروح مكان هادى والاقى ولد وبنت ماسكين فى ايد بعضه وعمالين بيحبوا فى بعض يبقى عااادى مع انه مش عااادى !!

ليه لما اروح عند حد والاقيه مشغل التليفزيون على فيلم ساقط ولا كليب ماجن ولما اجى اقوله مينفعش كده يقول عااادى مع انه مش عااادى !!

ليه لما الاقى بنت قاعدة على كافيه وبتشرب شيشة وابصلها تقول عااادى وهو مش عااادى ابدااااا !!!

ليه لما الاقى اب وام ماشين فى الشارع ومعاهم بناتهم لابسين لبس فاضح يكسف ........... يااااعادى جدا وهو مش عاادى خالص !!
ليه لما الاقى بنت ماشية فى الشارع بعد 12 بالليل لوحدها ولو سالتها مروحتش ليه تقول عااادى لسه بدرى وهو مش عااادى ابدا !!!

ليه لو اتعزمت فى فرح ولقيت العروسة بعد ما كانت محجبة قلعت حجابها أو محجبة وبترقص بحجابها وتقولها ليه؟ تقولك عادى ما هى ليلة العمر وهو مش عادى !!

ليه لما تروح الفرح وتلاقى البنات كاسيات عاريات وحطين مكياج ومغرقين نفسهم برفان وتسأل ليه يقولوا عادى فرح بقى وهو مش عااادى !!

ليه لما تركب وسيلة مواصلات وتلاقى الشاب قاعد والعجوز واقف والشاب ولا اكنه شايف حاجة عااادى وهو مش عاادى ابدا فين النخوة والرجولة !!

ليه لما الاقى اب ولا ام هيموتوا من الحسرة لان اولادهم رموهم فى دار مسنين يقولوا عااادى اصل ولادهم مشغولين وده مش عاادى ابدا

ليه لما اروح عزا وادخل اسمع القرآن الاقي الناس عمالة ترغي ومش بتنصت ليه مع انه كلام ربنا تفتكروا انه عادي لالالالالالا مش عادي خالص
ليه كل ما افتح برنامج الاقيهم بيكرموا مغني او ممثل ويعمله منه نجم في حين ان ناس كتير بتتعب وتخلص في اعمالها ومحدش يعرف عنها حاجة .... هل ده شئ عادي لالالالالالالالالا مش عادي


وليه وليه وليه
لو هفضل اتكلم من هنا لبكرة مش هخلص من كلمة
عــــــــــــــــادى
يا ترى يا جماعة هو فعلا عاااادى !! عادى التبرج عادى السفور عادى الغيبة والنميمة والكذب عااادى عاادى سماع الاغانى عاادى اللبس الضيق عاادى الحب داخل الجامعات وفى الطرقات وخارجها !!





طيب اززاى عااادى هو ده اللى امرنا به الله عزوجل ولا اللى علمهولنا النبى محمد صلى الله عليه وسلم

هو ده اللى اتربينا عليه هو ده الاسلام والدين !!

طيب هو ليه اللى مش عادى بقى عاادى واللى عااادى بقى مش عادى

يعنى الملتحى الناس بتبصلهم بغرابة والشاب الفانكى الروش الناس شايفه انه عادى

يعنى المنتقبة الملتزمة بقت متخلفة ورجعية والبنت المتبرجة بقى ده الطبيعى

يعنى اللى بيتفرج على قنوات دينية بقى متشدد وناشف واللى بيتفرج على مسلسلات وافلام بقى روش واون لاين
يعنى اللى ماشى مشغل الاغانى بصوت يخرم الودان هو ده اللى عايش حياته ناما اللى مشغل قران فى عربيته بيزعج اللى حواليه ومبيعملش حسابهم



يعنى ....................

لا حول ولا قوة الا بالله

المفروض يعنى هو ده اللى يحصل
المفروض ده اللى بقى عااادى
ازاى يعنى
الدنيا بقت ماشية بالمشقلب
الصح بقى غلط والغلط بقى صح
!!!!!!!!!!!
ياريت نصحح المفاهيم ونظبط علاقتنا ونتعلم ديننا ونطبق سنة حبيبنا ونمشى على الصراط المستقيم علشان نوصل لجنتنا




مش هقلع طرحتي يوم فرحي عشان ليلة العمر... لا مش عادي
مش هرقص في فرح بنت خالي عشان صلة الرحم... لا مش عادي
مش هحكي لزميلي في الشغل مشاكلي العائلية.. لا مش عادي
مش هروح الشاطيء والبس مايووه.. لا مش عادي
وكفايا بقى كلمة عادي.. لاننا متخلقناش عادي
ولا هنقف نقول يارب... اصله كان عادي



عادي كل البنات مصاحبين.. وانا يلا اصاحب.. لا مش عادي
عادي كلهم مسافرين شلة ولاد وبنات ...وانا يلا اسافر.. لا مش عادي
عادي تقصير الجوب على البووت.. عشان ابقى على الموضة.. لا مش عادي
عادي البطلون ابو وسط ساقط ... عشان ابقى روش... لا مش عادي
عادي البدي الملزق وهيتفرتك من على الجسم... لا مش عادي
عادي اركب عربية زميلي.. مهو زي اخويا... لا مش عادي
وعادي ابن عمي يبعت لي رسايل تهريج.. اصله زي اخويا.. لا مش عادي
وعادي اكدب على أهلي ..مهي كدبة بيضا... لا مش عادي
عادي اروح شغلي متاخر وازور امضتي..مهو كله عادي.. لا مش عادي
عادى اكون محجبة واقف انشر الغسيل من غير حجاب مانا فى بيتى .. لا مش عادى
عادى لما اخرج انا وخطيبى لوحدنا طول الليل مهو هيبقى زوجى .. لامش عادى
عادي نحط صورنا الشخصية على الفيس بووك..عادي محنا بالحجاب -لا مش عادي
عادي نتعرف على بعض ونشات مع بعض .. مش هنقول حاجه عيب.. لا مش عادي
عادي اكتب رقم تليفوني وبياناتي الشخصية. محدش هيعمل لي حاجه..لا مش عادي
عادي اشوف واحدة بتتعاكس واسكت.... مهو ده بقى عادي ..... لا بقى مش عادي

ويبقي في القبر مكتوب هنا يرقد السيد عادي ابن عادي

المواضيع المتشابهه:



ll;k HsHg schg lsgl

د/ إلهام likes this.
__________________
\\\ جسمي علي البرد لايقوي --- ولا على شدة ألحراره \\\
\\\ فكيف يقوي علي حميم ---- وقودها الناس والحجاره \\\\
خال العرب غير متواجد حالياً   رد مع اقتباس
قديم 01-23-2014, 02:07 AM   #2
♣ صاحبة همس المصريين ♣
 
الصورة الرمزية د/ إلهام
 
تاريخ التسجيل: Wed Jun 2011
المشاركات: 34,756
معدل تقييم المستوى: 20
د/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond repute

اوسمتي

افتراضي رد: ممكن أسأل سؤال

الكثير والكثير فى حياتنا اصبح عادياً وهو فى الحقيقة ليس بـ عادي
ولكن الحلال بيِّن والحرام بيِّن
ولا نقول إلا ما يرضى الله
لعل الله يكتب لنا مخرجاً من هذا العادى
وتعود عاداتنا وتقاليدنا إلى ما كانت عليه
خال العرب
لك تحية غير عادية وباقة بنفسج


د/ إلهام غير متواجد حالياً   رد مع اقتباس
قديم 02-28-2014, 07:43 AM   #3
 
الصورة الرمزية خال العرب
 
تاريخ التسجيل: Thu Sep 2013
المشاركات: 774
معدل تقييم المستوى: 13
خال العرب will become famous soon enoughخال العرب will become famous soon enough

اوسمتي

افتراضي رد: ممكن أسأل سؤال

اقتباس:
المشاركة الأصلية كتبت بواسطة سندريلا الشرق مشاهدة المشاركة
الكثير والكثير فى حياتنا اصبح عادياً وهو فى الحقيقة ليس بـ عادي
ولكن الحلال بيِّن والحرام بيِّن
ولا نقول إلا ما يرضى الله
لعل الله يكتب لنا مخرجاً من هذا العادى
وتعود عاداتنا وتقاليدنا إلى ما كانت عليه
خال العرب
لك تحية غير عادية وباقة بنفسج
القديره سيدة القصر
اسعدني مروركم هنا
لاحرمني الله منه
دمتم في رعاية الله وحفظه

__________________
\\\ جسمي علي البرد لايقوي --- ولا على شدة ألحراره \\\
\\\ فكيف يقوي علي حميم ---- وقودها الناس والحجاره \\\\
خال العرب غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ممكن, مسلم, سؤال


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


Powered by vBulletin® Copyright ©2000 - 2020, Jelsoft Enterprises Ltd.
SEO by vBSEO ©2011, Crawlability, Inc. TranZ By Almuhajir
adv helm by : llssll
الساعة الآن 05:34 AM