العودة   منتديات همس المصريين > همـــــــس السياحة والتاريخ > القسم التاريخى > همس الشخصيات التاريخية والأدبية

همس الشخصيات التاريخية والأدبية هنا تلتقى كل شخصيات أثرت فى التاريخ سواء أدبية أو فنية أو تاريخية

إضافة رد
 
LinkBack أدوات الموضوع انواع عرض الموضوع
قديم 07-23-2015, 12:53 AM   #1
♣ صاحبة همس المصريين ♣
 
الصورة الرمزية د/ إلهام
 
تاريخ التسجيل: Wed Jun 2011
المشاركات: 34,752
معدل تقييم المستوى: 20
د/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond reputeد/ إلهام has a reputation beyond repute

اوسمتي

افتراضي المفكر والأديب المصرى على حسن أحمد عبد الرازق من مواليد المنيا

المفكر والأديب المصرى على حسن أحمد عبد الرازق من مواليد المنيا
المفكر والأديب المصرى على حسن أحمد عبد الرازق من مواليد المنيا
المفكر والأديب المصرى على حسن أحمد عبد الرازق من مواليد المنيا

المفكر والأديب المصرى أحمد الرازق مواليد المنيا
على حسن أحمد محمد عبد الرازق، الشيخ ( البهنسا، أبو جرج ، محافظة المنيا، 1888 - القاهره، 23 سبتمبر 1967 ). مفكر و أديب مصرى كبير درس فى الأزهر و فى نفس الوقت فى الجامعه المصريه السيكولاريه و أخد شهادة العالميه من الأزهر سنة 1912. سافر انجلترا و درس فى جامعة اوكسفورد السياسه و الإقتصاد و رجع مصر بعد ماقامت الحرب العالميه الأولى. اشتغل فى القضاء فى المحاكم الشرعيه و بقى عضو فى مجلس النواب و الشيوخ و اتعين وزير للأوقاف. كان عضو فى المجمع اللغوى وليه مؤلفات مهمه فى الأدب و الفلسفه. ناقش فى كتابه " الإسلام وأصول الحكم " فكرة الخلافه و الحكومه فى الإسلام فعمل ضجه كبيره و اتحكم عليه بتجريده من شهادة العالميه الأزهريه. الملك فؤاد الأول اللى كان بيتطلع لمنصب خليفة المسلمين كان ورا محاكمته. أخوه المفكر الكبير و شيخ الأزهر مصطفى عبد الرازق.

نشأته
إتولد على عبد الرازق فى قرية أبو جرج فى محافظة المنيا سنة 1888. أبوه حسن باشا عبد الرازق درس فى الأزهر و كان عضو فى المجالس شبه النيابيه ، و أمه " خدوجه بنت الحاج عثمان الشريعى " كانت من سملوط. كان ليه خمس اخوات شققه هما حسن و حسين و محمود و اسماعيل و مصطفى عبد الرازق ، و أختين و أخ اسمه ابراهيم ماكانوش شققا. بعد ما اتعلم فى الكتاب و حفظ القرآن دخله ابوه الأزهر فى القاهره عشان يكمل تعليمه ، و لما اتفتحت الجامعه المصريه السيكولاريه التحق بيها و بقى بيدرس فيها جنب دراسته فى الأزهر. فى سنة 1912 خلص تعليمه فى الأزهر و أخد شهادة العالميه ، وفى يوليه سافر مع اخوه مصطفى عبد الرازق على فرنسا اللى على كان بيدرس فيها لكن سابه هناك و راح على انجلترا إكمن ابوه كان عايزه يكمل تعليمه هناك ، فدخل جامعة اوكسفورد و درس السياسه و الإقتصاد و فضل هناك لغاية ما قامت الحرب العالميه الأولى فرجع مصر سنة 1915 ، و اتعين قاضى شرعى و فضل فى الشغلانه دى فى محكمة المنصوره الشرعيه لغاية ما نشر كتابه المشهور " الإسلام و أصول الحكم ".

كتاب الإسلام وأصول الحكم
فى ابريل 1925 نشر على عبد الرازق كتاب بعنوان " الإسلام وأصول الحكم " قلب الدنيا فى مصر. الكتاب ده بيعتبر أكتر كتاب عمل ضجه فى تاريخ مصر الحديث مع ان موضوعه كان بسيط و هو ان فكرة نظام الخلافه غريب على الإسلام و مالهوش اساس لا فى المصادر و لا الأصول المعتمده للإسلام وهى الكتاب و السنه و الإجماع. الكتاب ده ما عملش ضجه اكمنه ناقش قضيه فكريه معينه أو بسبب جرأة المؤلف فى طرح موضوع محدد لكن بسبب انه كان سهم موجه لعرش مصر و للملك فؤاد الأول بالذات فى وقت اتجمعت فيه مجموعة ظروف و ملابسات سياسيه و دوليه و اجتماعيه فى مصر حولوا الكتاب لمعركه حاميه عمرها ما حصلت لكتاب فى مصر و لا حتى كتاب " فى الشعر الجاهلى " بتاع طه حسين. لو الكتاب ده اتنشر فى أى وقت تانى كان ممكن يعدى من غير ماحد يعيره اهتمام لكن الكتاب اتنشر فى وقت ما الملك فؤاد كان بيحضر نفسه عشان يبقى خليفة المسلمين بعد ما لغى مصطفى كمال اتاتورك نظام الخلافه العثمانيه فى 3 مارس 1924.

بعد ما حكمت الخلافه العثمانليه اكتر من أربع قرون انتهى اجلها على ايد اتاتورك و بقى العالم الاسلامى السنى لأول مره فى تاريخه مافيهوش حد منصبه خليفه او حتى سلطان المسلمين. فى الظروف ابتدا ملوك و امرا يفكروا فى امكانية حصولهم على المنصب ده كان فى مقدمتهم الملك فؤاد الأول. فى مصر كان اتعمل مؤتمر اسمه " المؤتمر الإسلامى العام للخلافه " و اصدر المؤتمر مجله اسمها " الخلافة الإسلامية " بتنادى بمبايعة ملك أو أمير لخلافة المسلمين الملك فؤاد و اعوانه كانوا هما اللى ورا المؤتمر ده و غيره من النشاطات التانيه اللى انتشرت فى نواحى مصر مش فى القاهره بس و حتى بره مصر و كانت بتصب فى موضوع الخلافه. مجلات و جرانيل و اوساط كتيره ابتدت تركز على الموضوعات الدينيه المتعلقه بموضوع الخلافه و الامامه فى الاسلام و ظهرت فتاوى و اقاويل بتقول ان صفة الاسلام خلاص زالت عن المجتمعات الاسلاميه و شعوبها اللى بقوا فى " الجاهليه " بسبب لغى اتاتوك للخلافه العثمانيه و ان المسلمين بيعتبروا عايشين فى أثام و خطايا مادام ماعندهمش خليفه و انهم حا يتعاقبوا فى الدنيا و الأخره اذا فرطوا فى الموضوع.

من ناحيه تانيه الكتاب اتنشر فى وقت ماكان الملك فؤاد بيجرب قدراته الاستبداديه ضد دستور 1923 و ضد حزب الوفد و سعد زغلول و ضد مجلس النواب اللى انتخب فى 24 فبراير 1925 و كسب فيه حزب الوفد بأغلبية ساحقه رغم الضغوطات و التزوير فحله الملك فؤاد فى نفس يوم افتتاحه.

الانجليز المحتلين مصر كانوا موافقين على موضوع الخلافه و بيلعبوا على وتره طالما انهم حا يستفيدوا منه بحكم إن " الخليفه " و بلده و كل مستعمراتهم فى الشرق الإسلامى فى ايدهم ، فلما اتنشر الكتاب ماكانش بس ضربه للملك فؤاد و القطاعات العريضه الرجعيه فى العالم الإسلامى لكن كان ضربه ليهم هما كمان بوظت لعبتهم فى مصر و فى مستعمراتهم " الإسلاميه ".

بعد نشر الكتاب طالبت طايفه من شيوخ و طلبة الأزهر مصادرة الكتاب و منعه و راحت وفود لشيخ الأزهر وقتها " محمد أبو الفضل الجيزاوى " للتعبير عن غضبها من إن رئيس الوزاره اسماعيل صدقى و وزير داخليته ما بيعملوش حاجه لمنع الكتاب و اتبعتت ألاف التلغرافات من نواحى مصر تندد بالكتاب و تطالب بمنعه و راحت وفود للملك فؤاد اللى كان بيصيف فى قصر المنتزه فى اسكندريه و طالبته بإتخاذ إجراء ضد على عبد الرازق و كتابه.

الحمله اللى اتشنت على الكتاب و مؤلفه ماكانتش مجرد رد فكرى أو نقاش نظرى أو صراع رأى لكن كانت اكبر من كده حيث انها اتخطت خط الصراع الفكرى و الحجه بالحجه ، و اتواجه الكتاب مش على انه محاوله فكريه أو اجتهاد نظرى جايز يكون صح أو غلط لكن بإعتباره " عمل مشين " يستوجب عمل محاكمه دينيه و الحكم على صاحبه " بالحرمان " من الإنتساب للأزهر و حتى تقريباً سحب منه حقوق المواطنه المصريه اللى كفلهاله الدستور. المسئول عن إخراج المعركه من الإطار الفكرى كانت السرايا. السرايا الملكيه عملت كل حاجه لإقناع مشيخة الأزهر بمعالجة الموضوع كعمل مشين يستوجب حاجه زى " الحرمان من الحقوق المدنيه " و الطرد من جماعة العلماء.

موقف مفكرين و زعما و احزاب مصر
السرايا قدرت على المستوى الشعبى انها تحرك قوى ضد كتاب " الإسلام وأصول الحكم " و افكاره. أهم القوى اللى شاركت فى المعركه كانت حزب الإتحاد ، و هيئة كبار العلماء ، و حزب الوفد ، و حزب الأحرار الدستوريين ، و الليبراليين ، و الإنجليز.

الأحزاب السياسيه
حزب الاتحاد كان فى مقدمة القوى اللى اتحركت ضد الكتاب. حزب الاتحاد كان حزب السرايا و كان بيضم الطبقات الرجعيه و المش مستنيره من طبقة الاقطاعيين المصريين و كبار الملاك. الحزب ده كانت عملته السرايا لمناؤة حزب الوفد اللى الانجليز كانوا بيعتبروه حاجه زى جمعيه ثوريه.

وقت الأزمه حزب الاحرار الدستوريين كان فى إئتلاف مع حزب الإتحاد فى وزارة زيور باشا ، و كان رئيسه عبد العزيز فهمى باشا وزير للحقانيه وقتها. حزب الاحرار الدستورين كان زى حزب الاتحاد بيمثل طبقة الاقطاعيين المصريين و الملاك الكبار لكن ، على عكس حزب الاتحاد ، الاقطاعيين و الملاك اللى كان بيمثلهم الاحرار الدستوريين كانوا طبقه الاقطاعيين و الملاك المستنيريين مش المحافظين و الرجعيين ، و كانت مواقف الحزب دايماً فى صف حرية التفكير و التعبير ، لكن رغم كده ، و رغم وقوف الأحرار الدستوريين بالكامل فى صف على عبد الرازق عن طريق حزبهم السياسى و عن طريق جورنالهم اليومى " السياسه " ، ايدوا الاتحاديين و السرايا و الانجليز فى قمع الصحفيين و ايدوا المرسوم اللى اصدرته الوزاره لتقييد حرية الصحافه. الازدواجيه دى كان سببها طبيعة الحزب حيث انه كان بيؤمن بالحريه الفكريه اذا كانت متعلقه بالصفوه او المفكرين مش لما تكون متعلقه بالشعب و عامة الناس. أفكار على عبد الرازق كانت امتداد أو تطوير لأفكار الإمام محمد عبده و جورنال " السياسه " نشر مقاله مهمه بعنوان " الخلافه والسلطه الدينية فى رأى الشيخ محمد عبده " وضحت فيه إن اللى كتبه على عبد الرازق عالج بالتفصيل النقط اللى اشار ليها محمد عبده بإيجاز اللى كان منها " علمت أنه ليس فى الإسلام سلطة دينية سوى سلطة الموعظة الحسنة والدعوة إلى الخير و التنفير عن الشر " و إن " ليس فى الإسلام ما يسمى عند قوم بالسلطة الدينية بوجه من الوجوه " و إن " الجهاد " اهدافه سياسيه مش دينيه.

سعد زغلول و الوفد
سعد زغلول كان ليه موقف معادى لعلى عبد الرازق حيث انه قال انه قرا الكتاب بتمعن و استغرب لما شاف عالم دينى كتب فى موضوع زى ده بالإسلوب ده ، و انه قرا كتب كتيره للمستشرقين و ما شافش حد منهم طعن فى الإسلام زى ما عمل الشيخ على عبد الرازق. ده كان موقف مشين لإنه مش بس انتقد فكرة الكتاب لكن حاول كمان تلبيس على عبد الرازق تهمه خطيره جداً. موقف سعد زغلول كان من المحتمل سياسى نابع من منافسة حزبيه مع حزب الأحرار الدستوريين اللى كان بيرتبط بيه على عبد الرازق ، و اللى كان ضد موضوع الخلافه و ان الملك فؤاد يبقى خليفه ، و كان الأحرار الدستوريين بيهاجموا فكرة الخلافه اللى بيروج ليها المستبدين و الرجعيين و ديولهم المنتفعين. سعد زغلول و حزب الوفد حاولوا يستغلوا الموضوع لصالحهم و ظهرت مقاله فى " كوكب الشرق " كتبها وفدى جه فيها : " إن المقصود هو العرش المصرى والتاج المصرى و ذات الملك فؤاد ".لكن ده مش معناه ان كل الوفديين كانوا ضد كتاب على عبد الرازق فأغلب الأصوات وقفت مع حرية الرأى و حق على عبد الرازق فى التفكير التعبير و الغلالبيه اعتبروا ان الموضوع سياسى مش دينى أججته السرايا للعب بالدستور.

شيوخ هيئة كبار العلما
بطبيعة الحال مش كل شيوخ هيئة كبار العلماء استجابوا للسرايا ففيه عارضوا معالجة الموضوع بالاسلوب ده و عبروا عن رأيهم و فيه عارضوا عن طريق الصمت. ولا كل الشيوخ اتحركوا بوازع من السرايا ، فبغض النظر عن موقف السرايا الكتاب كان فيه حاجات عارضها مشايخ من غير ما يحتاجوا وز من السرايا أو غيرها فالكتاب رغم إنه صغير لكن كان جواه كلام جامد منه كلام ممكن يعتبر استفزازى زى استخدام " لادينيه " بدل مثلاً " سياسه مدنيه " أو " دوله مدنيه ". لفظ " لادينيه " كان بيتاخد اياميها على انه " زندقه و إلحاد ". محمد رشيد رضا كتب فى مجلته " المنار " مقاله بعنوان طويل عريض هو " الإسلام و أصول الحكم. بحث فى الخلافة والحكومة فى الإسلام، بل دعوة جديدة إلى نسف بنائها، وتضليل أبنائها " ، و فى المقاله دى قال إن خصوم الإسلام حققوا انتصار فى الحرب السياسيه العلميه اللى شنوها على الإسلام و المسلمين ، و إن نتيجة الحرب دى " أشد و أنكى من الحروب الصليبية بإسم الدين " و اتسببت فى محو اسم السلطنه العثمانيه الاسلاميه و الغاء الاتراك لمنصب الخلافه من دولتهم الصغيره اللى فضلت لهم من السلطنه العظيمه و بقت دولتهم جمهوريه مش مقيده بالشرع الإسلامى بعد ما حصل انفصال كامل مابين الدوله و الدين ، و إن ده شجع أنصار مدنية السلطه و الحكومه فى مصر. و بعدين مهد محمد رشيد رضا فى مقالته لمحاكمة على عبد الرازق عن طريق هيئة العلماء بقوله : " انه لا يجوز لمشيخة الأزهر أن تسكت عنه فإن المؤلف .. رجل منهم، فيجب عليهم أن يعلنوا حكم الإسلام فى كتابه ".

الليبراليين
غير دول و دول كان فيه كمان المثقفين الليبراليين اللى بيعتنقوا مذهب الحريه و اللى ماكانوش مرتبطين بأحزاب سياسيه ، و دول كانوا دايماً بيدافعوا عن حرية البحث و الرأى و حق الكتاب و المفكرين فى ابداء الرأى و نشر ارائهم بحريه من غير ضغوط استبداديه. الليبراليين وقفوا فى صف على عبد الرازق و حقه فى البحث و النشر. مجلة الهلال فى عدد يوليه 1925 نشرت مقاله صغيره وصفت فيها على عبد الرازق بإنه من علماء الازهر البارزين اللى بيسلكوا طريق " الإجتهاد والإستنباط " و وصفت كتابه بإنه " مؤلف فريد.. جاء خير أنموذج يحتذى فى الإستدلال والإستشهاد والإستنتاج ". و بعدين اتكلمت عن القضيه الاساسيه و هى الكتاب فأيدت اللى قاله المؤلف من غير تطويل وقالت ان " المؤلف استنتج ان الخلافه مالهاش أصل فى الدين ، و ان الخليفه حاكم ، مفيش دخل للدين فى وجوده أو فى عدم وجوده. المؤلف بكده بيوافق نظرية الأتراك الحديثه فى فصل الخلافه عن الحكم ، و شايف ان كل بلد اسلامى حر فى انتخاب الحاكم ، و سواء كان الأستاذ على عبد الرازق صح - و هو اعتقادنا - أو غلط فالنظريه بتتفق مع اصول الحكم فى القرن العشرين ، اللى بيدى السياده للأمه مش لأى حد تانى من الافراد مهما كانت ولادتهم أو ميزاتهم التانيه ".

مجلة " المقتطف " من ناحيتها ركزت على جرأة المفكر و امثاله و جهدهم لإحياء نهضات الأمم ، و اتكلمت عن المعارك اللى خاضها " مارتين لوثر " و " محمد عبده " و غيرهم من المصلحين فى الغرب و الشرق.

المفكرين و الزعما

اختلفت اراء مفكرين مصر و زعمائها ، سعد زغلول كان ليه موقف معادى ، و الشيخ محمد شاكر الوكيل السابق للأزهر كتب مقاله اتهم فيها على عبد الرازق بإنه بيحبذ ان تقوم فى مصر " جمهوريه لا دينيه " ، يعنى جمهوريه سيكولاريه و دى بطبيعة الحال كانت تهمه خطيره لإن معناها انه بينادى بالإطاحه بالملك.

عباس محمود العقاد دافع عن الحريه الفكريه و كتب فى جورنال " البلاغ " بتاريخ 20 يوليه 1925 مقاله بعنوان " روح الاستبداد في القوانين والآراء " قال فيها انه خايف تكون روح الإستبداد انتشرت بين جوانب من الرأى العام فنست الناس ان الحريه الفكريه ليها حرمه و إن الباحثين ليهم حقوق ".

المفكر محمد حسين هيكل كان ليه هو كمان موقف مشرف فى الدفاع عن على عبد الرازق و كتب مقاله قال فيها ان الشيخ على عبد الرازق ماعملش حاجه غلط يستحق المحاكمه عليها و إتسائل فى سخريه : " ماذا تقول فى عالم من علماء الإسلام يريد ألا يكون للمسلمين خليفة فى وقت يطمع فيه كل ملك من ملوك المسلمين و كل أمير من أمراءهم فى أن يكون خليفة ؟ ماذا تقول فى عالم مسلم مصرى يقول بوجوب ارتباط مصر و انجلترا برباط الصداقة، ويذهب فى أن يكون هذا الخليفة واحد من الملوك أو الأمراء الواقعين تحت نفوذها ؟ ".

سلامه موسى المفكر المعروف بسعة الثقافه و نظرته العالميه و محاربته للإستبداد كتب مقاله فى مجلة " الهلال فى عدد أكتوبر 1925 قارن فيها محاكمة على عبد الرازق بمحاكمة حصلت اياميها لمدرس فى امريكا اسمه " سكوبس ". سكوبس فى حصه مدرسيه قال لتلامذته إن قصة ادم و حوا اللى حكتها التوراه خرافه و ان الصح هو ان الإنسان و القرد من أصل واحد ، فإتعملت ضده قضيه بتهمة مخالفته لتعاليم التوراه و اتحكم عليه بدفع غرامه. سلامه موسى شاف ان فيه تشابه بين القضيتين ، حيث ان الأستاذ على عبد الرازق اتوصل لإن الخلافه مش أصل من أصول الإسلام فإتحكم عليه بالخروج من زمرة العلما ، وبكده القضيتين فى مصر و امريكا متصلين بأغلى حاجه عرفها العالم و هى حرية التفكير و الرأى ، و إن مستر سكوبس الامريكانى و على عبد الرازق المصرى ليهم الحق فى التعبير عن ارائهم بحريه من غير اى قيد إلا الإخلاص.

المواضيع المتشابهه:


hglt;v ,hgH]df hglwvn ugn psk Hpl] uf] hgvh.r lk l,hgd] hglkdh lpl] l,hgd] hglwvd hglt;v hglkdh hgvh.r ,hgH]df

د/ إلهام غير متواجد حالياً   رد مع اقتباس
قديم 07-23-2015, 08:52 AM   #2
◘ مشرفة عامة ◘
 
الصورة الرمزية الوردة الزرقاء
 
تاريخ التسجيل: Mon Jun 2014
الدولة: الاردن - اربد
المشاركات: 23,630
معدل تقييم المستوى: 33
الوردة الزرقاء عضو متميزالوردة الزرقاء عضو متميزالوردة الزرقاء عضو متميزالوردة الزرقاء عضو متميز

اوسمتي

افتراضي رد: المفكر والأديب المصرى على حسن أحمد عبد الرازق من مواليد المنيا

سلمت يداك غاليتي

__________________
اللهم اني اعوذ بك من السلب بعد العطاء
الوردة الزرقاء غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
محمد, مواليد, المصري, المفكر, المنيا, الرازق, والأديب


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO ©2011, Crawlability, Inc. TranZ By Almuhajir
adv helm by : llssll
الساعة الآن 10:48 PM


اخر المواضيع

مصنع ملابس جاهزة- توريد زى موحد(01118689995) @ اماكن تصنيع يونيفورم حضانات( 01003358542) @ روب التخرج لاطفال حضانة(01118689995) @ ملابس شركات البترول- شركة 3a لليونيفورم(01003358542) @ ملابس شركات البترول- شركة 3a لليونيفورم(01003358542) @ شركة الاتحاد للتدريب @ شركة تصنيع يونيفورم-شركة 3a لليونيفورم ( 01003358542 ) @ افضل شركة تشطيبات فلل- تشطيبات حوائط (01119959188) @ ارواب ستان للتخرج-روب تخرج للبيع(01200561116) @ مصانع الزى المدرسي فى مصر(01003358542) @ restaurant and waiter uniform-شركة 3A لليونيفورم ( 01003358542 ) @ الزى الموحد ويونيفورم شركات الامن (01200561116) @ شركات تصنيع يونيفورم فنادق(01200561116 ) @ مصنع زى موحد- شركة زى موحد(01118689995) @ ملابس روضه مميزه -زي حضانه( 01003358542) @ موديلات ارواب تخرج اطفال(01118689995) @ يونيفورم شركات الصيانه- شركة 3a لليونيفورم(01003358542) @ اماكن تصنيع يونيفورم-شركة 3a لليونيفورم ( 01003358542 ) @ ديكورات داخلية-ديكورات حمامات(01119959188 ) @ استند على نفسك وعكازك الداخلي @ شركة ارواب تخرج -مصنع روب تخرج(01200561116) @ احدث موديلات ملابس المدارس الثانوى (01003358542) @ جاكيت شيف – بنطلون شيف-شركة 3a لليونيفورم ( 01003358542 ) @ متجر يونيفورم شركات الامن-لبس حارس الامن(01200561116) @ مصنع توريد يونيفورم فنادق(01200561116 ) @ تجارة يونيفورم - شركة يونيفورم (01118689995) @ محل بيع يونيفورم حضانه ( 01003358542 ) @ تصاميم ارواب تخرج - ملابس تخرج اطفال (01118689995) @ يونيفورم شركات البترول- شركة 3a لليونيفورم(01003358542) @ شركات تصنيع يونيفورم-شركة 3a لليونيفورم ( 01003358542 ) @